Описание

“Oʻn ikki stul” – ushbu asar 1927–1928-yillarda yaratilgan boʻlib, oʻtkir yumoristik romanlar qatorida eʼtirof etiladi. Asar hayotda sodir boʻlgan voqeliklarga asoslangan. Roman qahramonlari Ostap Bender hamda Ippolit Matveyevich Petuxova xonim boyliklarini izlab topish maqsadida birgalikda sayohatga otlanadilar va juda koʻp sarguzashtlarni boshdan kechiradilar. Ular mahoratli usta Gambs tomonidan yaratilgan ajoyib sanʼat namunalari boʻlmish oʻn ikki stul jamlanmasini birma-bir qoʻlga kiritishga intiladilar. Bu ikki hamtovoq oʻz maqsadiga erishish uchun eng qabih jinoyatlarni amalga oshirishdan toymaydi. Oʻquvchi ushbu asar orqali jinoyat jazosiz qolmasligi va birovning mulkiga koʻz olaytirish qanday fojialarga olib kelishi mumkinligini fahmlaydi.